lees meer over ons winternummer Lees meer over het veurjaornummer
 

 

Kopstôkken is een blad mit
bi-jzundere verhaelen, prachtige gedichten en aandere mooie
bi-jdraegen van liefhebbers van de streektaol uut Noordwest Overijssel.

Kopstôkken verschient 4x per jaor. De uutgave Zomer 2010  is now verkriegbaor via losse verkoop of abonnement.


4 joe'n verhael in Kopstôkken
4 abonnee worden
4 contact

 

Vruchtboar

De zomer in antocht? Et liekt er niet op,
Want regen stroomt neer, in iezeren staelen,
As of hij een gortdreuge tied in moet aelen
Et liekt of de wereld een beetie verzop.

De bomen in blad gaon volop uut hun dak,
Ze glimmen en glaanzen van donker plezier,
En heffen hun bladties uut louter vertier
Naor boven, as daank veur dit natte gerak.

Ze tanken hun veurraod en kun er weer tegen,
As daomiet de zunne hun bassie bestooft.
En dreugte wellicht ook de stamme wat klooft
Dus regen, o regen, ie bin ons tot zegen.

Gees Verbeek-Drost Oldemarkt

Droomland

Tussen duzend gele lissen
skieten duzend kleine vissen
inneweer
Ik geniete van mien kiekien
deur et riet an ’t zomerdiekien
ven et weer

Pluzend an een wilgenkattien
loop ik langs et zeggepadtien
inneweer
Inspiratie zal ik putten
waor de wolken staon op stutten
van et weer

Klaas Würsten Hasselt

 

   copyright©2006-2010 Kopstôkken

|    

@webbeheerder